Bu gün Qafqaz Müsəlmanları İdarəsində (QMİ) axund və imamlar üçün xütbə nümunələrinin təqdimatı zamanı Şeyxülislam Hacı Allahşükür Paşazadə ilə dindarlar arasında maraqlı dialoq baş verib.
APA-nın məlumatına görə, yeni nəşr olunan xütbə nümunələrini dindarlara təqdim edən Şeyx onlardan latın əlifbasında oxuya bilib-bilmədiklərini soruşub. Bu sual mərasimdə iştirak edən əksər dindarlar üçün gözlənilməz olub. Dindarların sualı birmənalı cavablandırmadığını görən QMİ sədri onlara xütbə nümunələrinin latın qrafikasında çap olunduğunu xatırladıb: “Bu kitab latın əlifbasındadır. Siz dəqiq bu əlifbada bilirsiniz? Amma düzünü deyin”.
Mərasim iştirakçılarından bəziləri bu sualı “İnşallah, bilərik” şəklində cavablandırıblar.
Qaynar.info
