Şirvan şəhəri ərazisində fəhlələri daşıyan avtobusun dərəyə yuvarlanması nəticəsində yaralanan neftçilərdən biri ötən gecə xəstəxanada dünyasını dəyişib.Qaynar.info-ya verilən məlumata görə, Şirvan sakini 1978-ci il təvəllüdlü Məcidov Ramil Rasim oğlu gecə saat 3.00 radələrində xəstəxananın reanimasiya şöbəsində tənəffüs çatışmazlığından vəfat edib.
Əməliyyat nəticəsində onun dalağı və bağırsağı götürülmüşdü.
Qeyd edək ki, oktyabrın 3-də “Qarasu Oyl” Əməliyyat Şirkətində çalışan fəhlələri daşıyan “KAVZ” markalı avtobusun Şirvan ərazisində qəzaya uğraması nəticəsində 17 nəfər neftçi xəsarət alaraq Şirvan şəhər Xəstəxanasına yerləşdirilib.
Sonradan onlardan 7 nəfəri Bakı şəhərinin müxtəlif xəstəxanalarına köçürülüb. Faktla bağlı araşdırmalara başlanıb. İlkin versiyaya görə, qəzaya səbəb köhnə avtobusun əyləc sistemində yaranmış nasazlıq olub.
Qaynar.info
