Zaqatala rayon sakini təndirdə yanıb.
Zaqatala rayon Polis Şöbəsindən APA-ya verilən məlumata görə, hadisə rayonun Muxax kəndində qeydə alınıb.
Zaqatala rayonu Muxax kənd sakini, 1970-ci il təvəllüdlü Məmmədəminova Pirdovus Şaban qızı yaşadığı evin həyətindəki təndirə çörək yapan zaman ehtiyatsızlıqdan təndirə düşüb. Müxtəlif dərəcəli yanıq xəsarətləri alan Pirdovus Məmmədəminova Zaqatala Mərkəzi Rayon Xəstəxanasına (MRX) yerləşdirilib.
Zaqatala MRX-dan verilən məlumata görə, Pirdovus Məmmədəminova təndirə düşməsi nəticəsində yuxarı və aşağı ətrafların 2-ci və 3-cü dərəcəli texniki yanıq xəsarəti alıb. Hazırda onun vəziyyəti orta-ağır hesab olunur. Faktla bağlı araşdırma aparılır.
Qaynar.info
