Azərbaycan Respublikası Daxili İşlər Nazirliyi "Meşə qardaşları" terror təşkilatı tərəfindən yayıldığı iddia edilən terror bəyanatına münasibət bildirib. DİN-in mətbuat xidmətinin rəhbəri Ehsan Zahidov Qaynar.info-ya açıqlamasında bildirdi ki, nazirlik bu məlumatı şərh etmək istəmir: "Biz sosial şəbəkələrdəki məlumatlardan xəbərsizik. Media da mövzu tapmayanda sosial şəbəkələrdəki məlumatları xəbər çevirir. Biz bu xəbəri şərh etmək istəmirik".
Qeyd edək ki, Jam.az saytının yaydığı məlumata görə, "Meşə Qardaşları" əməliyyat planlarının hazır olduğunu açıqlayıb, polislərin evlərini partladacaqlarını bəyan ediblər.
Qaynar.info
