"Azəraqrartikinti"yə yeni mətbuat katibi təyin olunub.
Qaynarinfo xəbər verir ki, bu vəzifəyə tanınmış jurnalist Teymur Mahmudov təyinat alıb. Teymur Mahmudov facebook profilində bu barədə məlumat paylaşıb:
"Bu gündən etibarən "Azəraqrartikinti" ASC-nin mətbuat katibi vəzifəsinə təyin olundum. Bu məsul vəzifəyə təyin olunmağıma etimad göstərdikləri üçün "Azəraqrartikinti Açıq tipli Səhmdar cəmiyyətinin rəhbərliyinə təşəkkürümü bildirirəm. Qarşıda böyük məsuliyyət tələb edən vəzifələr dayanır"
Qeyd edək ki, Teymur Mahmudov əvvəllər "Panorama" qəzeti (1996-1998), ANS TV (1999), STV Türkiyə (1999-2002 ), "Yeni Yüz İl" qəzetində (2002) fəaliyyət göstərib, Xətai rayon İcra Hakimiyyətinin humanitar şöbədəsində böyük məsləhətçi, Xətai rayon Mədəniyyət Mərkəzində direktor (2003-2010) və Yasamal rayon İcra Hakimiyyətində çalışıb. Son olaraq "Kristal Beton"un Binəqədi filialının direktoru olub.
