Türkiyənin ən iri telekommunikasiya şirkətlərindən olan "Türk Telekom"un rəhbərliyində təmsil olunan 3 nəfər hərbi çevriliş cəhdi ilə bağlı aparılan istintaq çərçivəsində saxlanılıb.
"Qaynarinf.Az" lent.az-a istinadən bildirir ki, bu barədə Türkiyə telekanalları məlumat yayıb.
Həbs olunan şəxslərin adları hələlik açıqlanmasa da, onlardan ikisinin və "Türk Telekom"un texnologiya üzrə baş direktor müavini Coşkun Şahin və TTNET-in fərdi iş bölməsinin baş direktoru Erkan Akdemir olduğu bildirilir. Bu şəxslər prokurorluq tərəfindən ifadə verməyə dəvət olunmuşdu.
Qaynarinf.Az
"Türk Telekom" rəhbərliyi isə şirkət strukturlarında 198 nəfəri işdən qovub.
