Rumıniyada 10 km məsafəyə qaçış üzrə yarışda qadağan olunmuş maddələrdən istifadə etdiyi aşkarlanan Türkiyə millisinin Keniya əsilli üzvü Aras Kayanın cəzası müəyyənləşib.
Qaynarinfo xəbər verir ki, atlet idman yarışlarında 3 il müddətə uzaqlaşdırılıb. "Integrity in Athletics Unit" tərəfindən verilən açıqlamada analizlərində eritropoietin (EPO) adlı qadağan olunmuş maddə olduğu təsbit edilən Qayanın 3 il müddətinə idman yarışlarında iştirakının qadağan edildiyi bildirilib. İlkin olaraq 4 illlik müəyyən edilən cəzanın müddəti idmançının qayda pozuntusunu dərhal qəbul etməsi səbəbindən 3 ilə endirilib.
Cəza dekabrın 4-dən etibarən hesablanacaq. Bununla yanaşı idmançının sentyabrın 25-dən sonra qatıldığı yarışlardakı qazandığı dərəcələr və mükafatlar ləğv edilib.
Səbuhi Həsənov
Şərhlər