Türkiyənin baş naziri Əhməd Davudoğlu istefa verib.
"Report" xəbər verir ki, bunu Türkiyənin baş naziri Əhməd Davudoğlu mayın 5-də hakim Ədalət və İnkişaf Partiyasının (AKP) mərkəzi qərargahında keçirdiyi mətbuat konfransında deyib.
Bu gün partiyanın sədri Əhməd Davudoğlunun başçılığı altında İdarə Heyətinin toplantısı olub. Yığıncaq bu il mayın 28-də Ədalət və İnkişaf Partiyasının fövqəladə qurultayın keçirilməsi haqda qərar qəbul edib. Həmin toplantıda Əhməd Davudoğlunun namizədliyini irəli sürməyəcək.
Partiyanın ali orqanı təşkilata həm də yeni sədr seçəcək.
Əhməd Davudoğlu 2014-cü il avqustun 27-dən Türkiyə hökumətinə başçılıq edir.
Qeyd edək ki, mayın 4-də Türkiyə prezidenti Rəcəb Tayyib Ərdoğanla baş nazir Əhməd Davudoğlu arasında bir saat 40 dəqiqəlik görüş keçirilib.
Qaynarinfo.az
