Bağçanın həyətində “F-1” markalı qumbaranı ərazidə qazıntı aparan fəhlələr aşkar ediblər
Bu gün saat 11:40 radələrində Gəncədə uşaq bağçasının həyətində istifadəyə yararlı olan əl qumbarası tapılıb. ANS PRESS-in verdiyi məlumata görə, “F-1” markalı qumbaranı ərazidə qazıntı aparan fəhlələr aşkar ediblər.
Əraziyə polis və xilasedicilər cəlb olunub. Bağçaya giriş-çıxış bağlanıb. Bağçada bayram günləri ilə bağlı uşaq olmasa da, işçilər evakuasiya ediliblər.
Hazırda mütəxəssislər qumbaranın zərərsizləşdirilməsi istiqamətində çalışırlar.
Qumbaranın bağçanın həyətinə kim tərəfindən atıldığı araşdırılır.
Qaynar.info
