"Anamın borcu var, onları ödəmək lazımdır”.
Bunu Qaynarinfo-ya açıqlamasında Azərbaycan Uşaqlar Birliyinin sədri Kəmalə Ağazadə sığınacağa gətirilən 3 qohum uşağın ona dediklərindən danışarkən deyib. Onun sözlərinə görə, uşaqlar sığınacağa hüquq-mühafizə orqanları tərəfindən gətirilib:
"Bunlar qohumdurlar. Uşaqlar təxminən 12, 6 və 4 yaşlarındadır. Böyük qız xala hesab olunur. Qaraçı ailələrindən olan uşaqlardır. Müxtəlif qohumların uşaqları bir evdə toplaşdırılır və diləndirilir. Uşaqlar 3 saat ərzində salfet satmaqla, dilənməklə 11 manat 55 qəpik qazanıblar. Təxmini hesablasaq, axşamadək, 9 saat ərzində bu rəqəm 30-40 manat civarında olur. Hamısı da deyir ki, "anamın borcu var, onları ödəmək lazımdır...”
Kəmalə Ağazadə qeyd edib ki, bu "adətləri" dayandırmağın bir yolu var:
"Bu uşaqlar insan alveri qurbanı kimi tanınmalıdır”.
Alpər
<iframe src="https://www.facebook.com/plugins/video.php?href=https%3A%2F%2Fwww.facebook.com%2Fkamalya.aqazade%2Fvideos%2F3831039106922742%2F&show_text=0&width=267" width="267" height="476" style="border:none;overflow:hidden" scrolling="no" frameborder="0" allowtransparency="true" allowfullscreen="true">
