Müsavat Partiyası başqanının müşaviri Yadigar Sadıqovun Şirvan şəhər Apelyasiya Məhkəməsində keçrilən məhkəmə prosesində daha bir qəribə hadisə baş verib.
Belə ki, Yadigar Sadıqovun vəkili Xalid Bağırov məhkəmə prosesindən heç bir əsas göstərilmədən kənarlaşdırılıb.
Bu barədə Facebook sosial şəbəkəsində məlumat yayılıb.
Yadigar Sadıqovun apelyasiya şikayəti isə təmin olunmayıb.
Qaynar.info
_____
12:34
Şirvan Apelyasiya Məhkəməsində Müsavat Partiyası Lənkəran təşkilatının sədri, partiya başqanının müşaviri Yadigar Sadıqovun barəsində seçilmiş həbs-qətimkan tədbirinin ləğv edilməsi ilə bağlı verilən apelyasiya şikayətinə baxılıb.
APA-nın məlumatına görə, prosesdə qərar elan olunub. Qərara əsasən, apelyasiya şikayəti təmin olunmayıb.
Qeyd edək ki, Y. Sadıqov II qrup Qarabağ əlili Rəşid Fərman oğlu Kərimova qarşı xuliqanlıq hərəkəti etməkdə təqsirli bilinir.
Onun barəsində Cinayət Məcəlləsinin 221-ci (xuliqanlıq) maddəsi ilə cinayət işi başlanıb.
Bir müddət əvvəl Lənkəran Rayon Məhkəməsi Y. Sadıqov barəsində 2 ay müddətinə həbs-qətimkan tədbiri seçib.
Qaynar.info
