"Rayondan gəlmişəm. İstidir. Bu haqda məlumatım yoxdur". Bunu Teleqraf.com-a açıqlamasında xalq artisti Tariyel Qasımov nəvəsi Fariz Kərimlinin ölüm xəbəri haqda danışarkən deyib.
Aktyorun sözlərinə görə qızı və nəvəsiylə əlaqəni illər əvvəl kəsib: “Münasibətimiz yox idi. Sonra bir video paylaşdı, məni biabır etdi. Ölümündən xəbərim yoxdur. İndi rayondan gəlmişəm. İstidir. Bir az özümə gəlim. Üzrlü sayın”.
Qeyd edık ki, bu gün uzun sürən xəstəlikdən sonra azərbaycanlı şair və paralimpiyaçı Fariz Kərimli dünyasını dəyişib. Bunu Trend-ə onun ailə üzvləri deyiblər. 27 yaşlı F.Kərimli böyrək çatışmazlığından vəfat edib.
Qaynarinfo.Az
