Müsavat Partiyası başqanının müşaviri Yadigar Sadıqovun avqustun 22-də Lənkərana aparılacağı xəbəri yayılıb.
Deyilənə görə, onu Lənkərana istintaq hərəkətləri üçün aparırlar.
Bu məlumata münasibət bildirən Y.Sadıqovun Hüquqlarını Müdafiə Komitəsinin sədri Elman Fəttah musavat.com-a deyib ki, yayılmış söz-söhbətə inanmırlar: “Biz düşünmürük ki, Yadigar bəyi istintaq hərəkəti ilə əlaqədar aparırlar. Çox güman ki, onu həbs müddətini uzatmaq üçün Lənkəran məhkəməsinə aparırlar.”
Xatırladaq ki, iyunun 27-də Y.Sadıqov barəsində Cinayət Məcəlləsinin 221-ci (xuliqanlıq) maddəsi ilə cinayət işi başlanıb. Barəsində iki aylıq həbs qəti-imkan tədbiri seçilib.
Qaynar.info
