Yevlax şəhərində penoplast örtüklərin sökülməsinə başlanılıb.
ANS TV-in məlumatına görə, paytaxda baş verən yanğından sonra dövlət başçısının tapşırığı ilə ölkə ərazisində tez alışan materiallarla üzlənən binaların fasadları sökülməsinə başlanılıb.
Söküntü Yevlağın 31-ci məhəllə adlanan ərazisindəki 5 binada aparılır. Sakinlərin sözlərinə görə, binaların üzlənməsinə təqribən 6 ay əvvəl başlanılıb. Yevlax şəhər İcra nümayəndəliyindənsə bildirilib ki, ümumi sayı 270 mənzildən ibarət olan bu binaların fasadlarının sökülməsi 2 günə yekunlaşacaq. İşlər yekunlaşdıqdan sonra binaların yanğına davamlı tikinti materialları ilə üzlənməsinə başlanacaq.
