Kürdəmir rayonunda yük avtomobillərinin iştirakı ilə yol qəzası baş verib.
Fövqəladə Hallar Nazirliyinə istinadən xəbər verir ki, rayonun Atakişili kəndində 2 “SHACMAN” markalı yük avtomobili toqquşub.
Nəticədə, yük avtomobillərdən birinin sürücüsü xəsarət alıb və deformasiyaya uğramış avtomobildə sıxılmış vəziyyətdə qalıb. Fövqəladə Hallar Nazirliyinin yanğınsöndürən-xilasediciləri hadisə yerinə cəlb olunaraq vətəndaşı avtomobildən çıxarıb və Təcili Tibbi Yardım Stansiyasının əməkdaşlarına təhvil veriblər.
Qaynar.info
