Azərbaycan Respublikasının Milli Məclisi 2013-cü ilin oktyabr ayının 9-da ölkəmizdə keçiriləcək prezident seçkilərinə müşahidəçi qismində iştirak etmək üçün bir sıra beynəlxalq təşkilatlara rəsmi dəvət göndərib.
Bu barədə Anspress-ə Milli Məclisin mətbuat katibi Akif Təvəkküloğlu məlumat verib.
A.Təvəkküloğlunun sözlərinə görə, Milli Məclis 9 oktyabr prezident seçkilərində iştirak etmək üçün 9 beynəlxalq təşkilata dəvət göndərib:
1. Avropada Təhlükəsizlik və Əməkdaşlıq Təşkilatı (ATƏT) Parlament Assambleyası;
2. Avropa Parlamenti;
3. Avropa Şurası Parlament Assambleyası (AŞPA);
4. Müstəqil Dövlətlər Birliyi (MDB) Parlament Assambleyası;
5. Türkdilli Ölkələrin Parlament Assambleası (TÜRKPA);
6. Asiya–Sakit Okean hövzəsi ölkələrinin beynəlxalq mərkəzçi demokratları təşkilatı;
7. Latın Amerikası və Karib Hövzəsi ölkələrinin siyasi partiyalarının daimi konfransı;
8. Asiya Siyasi Partiyalarının Beynəlxalq Konfransı;
9. Qara Dəniz İqtisadi Əməkdaşlıq Təşkilatı (QDİƏT) Parlament Assambleyası.
A.Təvəkküloğlunun sözlərinə görə, bu təşkilatlara Milli Məclis tərəfindən dəvət göndərilib ki, oktyabrın 9-da Azərbaycanda keçiriləcək prezident seçkilərində müşahidəçi qismində öz nümayəndələrini göndərsinlər və müşahidəçilik missiyasını yerinə yetirsinlər.
