İpsos sorğusunun nəticələrinə görə, ABŞ-ın vitse-prezidenti Kamala Harris ABŞ-da prezident seçkiləri ilə bağlı keçirilən milli sorğuda Respublikaçı Donald Trampı 42%-37% nəticə ilə qabaqlayır.
Bu barədə Qaynarinfo "Reuters”ə istinadən xəbər
verir.
Sorğular göstərir ki, Harris 22-23 iyul tarixlərində keçirilən sorğudan sonra Tramp üzərində üstünlüyünü artırıb. O zaman ABŞ-ın vitse-prezidenti respublikaçını 37%-34% səslə üstələyirdi.
Avqustun 2-dən 7-dək ABŞ-da 2045 böyüklər arasında keçirilən ümummilli sorğu nəticəsində müəyyən edilib ki, sorğuda iştirak edənlərin 4%-i müstəqil namizəd kiçik Robert Kennedini dəstəkləyir, iyulda bu rəqəm 10% olub.
İpsos-un ayrı bir sorğusu Harrisin yeddi əsas ştatda - Arizona, Corciya, Miçiqan, Nevada, Şimali Karolina, Pensilvaniya və Viskonsində 42%-40% fərqlə Trampı qabaqladığını göstərir.
Nizami Bağırov
