AFFA-nın
İcraçı vitse-prezdenti Elxan Məmmədov son vaxtlar rayonlara səfərləri ilə gündəmə
gəlir. Gənclər və İdman naziri Fərid Qayıbovla görüşdən sonra müxtəlif bölgələrə
yollanan Elxan bəy orada azyaşlı futbolçularla görüşlər keçirir. AFFA rəsminin daha
haralara səfər edəcəyi və qarşıdakı planlarla qurumun Mətbuat və İctimaiyyətlə
Əlaqələr Departamentinin rəhbəri Firuz Abdulla ilə danışdıq.
Firuz
bəy Qaynarinfo-ya açıqlamasında bunları deyib:
"Növbəti
səfərlərin vaxtı və məkanı millinin oyunlarından sonra müəyyənləşəcək. Hazırda
Elxan Məmmədov Bakıdadır. Çünki bu gün U-21-in, sabah əsas yığmanın oyunu var.
Yəqin ki, millinin Serbiya ilə oyunlarından sonra növbəti planlar müəyyənləşəcək”.
Maraqldır bu səfərlər çərçivəsində daha haralara getmək getmək nəzərdə tutulub? AFFA rəsmisi bildirib ki, hələ hara gediləcəyi dəqiq deyil:
"Planla bağlı dəqiq məlumat yoxdur. Əslində
bütün bölgələrə səfər nəzərdə tutulub. Amma konkret nə vaxt, hara gediləcəyini
deyə bilməyəcəyəm”.
Elxan
Məmmədov bu layihəyə start verəndən sonra sonra ictimaiyyətdə bir sual maraq doğurur:
Niyə bu səfərlər indi başladı və ildırım sürətiylə həyata keçirilir: Firuz Abdullanın bu suala cavabı belə olub:
"Yəqin
ki, özü daha yaxşı cavab verər. Çünki bu mənim cavab verəcəyim sual deyil”.
Elxan
Məmmədovun bölgələrə səfər Gənclər və İdman naziri Fərid Qayıbovla görüşdən
sonra başladı. Maraqlıdı, bu nazirin tapşırığı əsasındadır? AFFA rəsmisi bunu istisna edib:
"Xeyr,
bunun məsələyə aidiyyatı yoxdur. Çünki görüşlər onun öz təşəbbüsü ilə baş
tutur. Bu suallara o daha yaxşı cavab verə bilər. Yəqin ki, özü ətraflı
aydınlıq gətirəcək”.
Səbuhi
Həsənov
