Anasını qətlə yetirən Bakı sakini 13 il müddətinə cəzalandırılıb.
Qaynar.info xəbər verir ki, Bakı Ağır cinayətlər məhkəməsində hakim Azər Orucovun sədrliyi ilə Sabunçu rayon sakini Mürsəl Dünyamalıyevin CM-nin 120.2.4
(xüsusi amansızlıqla qəsdən adam öldürmə) maddəsi ilə təqsirləndirilməsinə dair cinayət işi üzrə məhkəmə prosesi yekunlaşıb.
İstintaq materiallarına əsasən, 2013-cü il dekabrın 18-də Bakıxanov qəsəbəsində yaşayan 31 yaşlı Mürsəl Dünyamalıyev anası Cəmilə Dünyamalıyevanı (1962-ci il təv) qətlə yetirib, daha sonra Xətai RPİ 37-ci polis bölməsinə gələrək, baş vermiş hadisəni danışıb. Dərhal sonra məlumat aidiyyatı üzrə Sabunçu RPİ 13-cü polis bölməsinə məlumat verilib, hadisə yeri istintaq-əməliyyat qrupu tərəfindən müayinə olunub.
Məhkəmə-tibbi ekspertizasının rəyinə görə, Cəmilə Dünyamalıyevanın bədən səthində 102 ədəd kəsilmiş-dəşilmiş yara aşkar edilib.
Təqsirləndirilə şəxs anasına qarşı olan nifrətini və qəddarlığını onun əxlaqsızlıq etməsi ilə əlaqələndirib. Məlum olub ki, o idmanla məşğul olub, “Socar” şirkətində mühafizəçi işləyib.
Məhkəmənin hökmü ilə M.Dünyamalıyev 13 il müddətinə azadlıqdan məhrumetmə cəzasına məhkum olunub.
Qaynar.info
