Qusar rayon sakini, 57 yaşlı Kazım Balakişiyev qeyri-adi bacarığa malikdir. APA xəbər verir ki, o, arının balını da, özünü də yeyə bilir.
K. Balakişiyev deyir ki, 15 ilə yaxındır, arıçılıqla məşğuldur. Arı yeməyə isə 7 ildir başlayıb. Onun sözlərinə görə, dəfələrlə arı sancmasına baxmayaraq səhhətində heç bir problem yaranmayıb. O, bu bacarığı ilə "Ginnesin Rekordlar Kitabı"na düşmək istəyir, bunun üçün o 365 arını yeyə biləcəyini iddia edir.
Bununla belə, K. Balakişiyev digər şəxslərə arı yeməyi məsləhət görmür.
Qaynar.info
