İdman 11:15 08.04.2023

"ASCO Arena"da Bakı dueli, "Neftçi" Sumqayıtda qonaq olacaq

Azərbaycan Premyer Liqasında 29-cu turun oyunları davam edir.

Qaynarinfo-nun məlumatına turun ikinci oyun günündə iki qarşılaşma keçiriləcək.

Əvvəlcə "Səbail" "ASCO Arena"da "Sabah"ı qəbul edəcək. Klublar indiyədək ölkə çempionatında 18 dəfə qarşılaşıblar. Bunların 5-də "Səbail", 9-da "Sabah" qələbə qazanıb. 4 görüşdə qalib müəyyənləşməyib. Topların nisbətində də "Sabah"ın üstünlüyü var - 24:13. "Sabah” son 6 görüşdə qol buraxmayıb. "Səbail” son üç ev matçında quru hesabla uduzub.

Digər qarşılaşam Sumqayıtda keçiriləcək. "Neftçi" səfərdə "Sumqayıt"ın qonağı olacaq.

İndiyədək Premyer Liqada 42 dəfə üz-üzə gələn komandaların duelinda "ağ-qaralar" 21, sumqayıtlılar isə 12 dəfə sevinib. Qalan 9 qarşılaşma heç-heçə nəticələnib.Top fərqi "Neftçi"nin xeyrinədir - 65:46. "Neftçi" son 5 oyunda ən azı 2 qol vurub. "Sumqayıt" 8 matçdır rəqibinə qalib gəlmir.

Azərbaycan Premyer Liqası, 29-cu tur

8 aprel (şənbə)

17:30. "Səbail” – "Sabah”

Hakimlər: İnqilab Məmmədov, Elşad Abdullayev, Eyyub İbrahimov, Səbuhi Bayramov

Hakim-inspektor: Ömər Paşayev

AFFA nümayəndəsi: Məmmədəli Məmmədov

"ASCO Arena”.

20:00. "Sumqayıt” – "Neftçi”

Hakimlər: Rauf Allahverdiyev, Zeynal Zeynalov, Cavanşir Yusifov, Əli Əliyev

Hakim-inspektor: Ramil Diniyev

AFFA nümayəndəsi: Seymur Səlimli

"Kapital Bank Arena”.

Turun dünən keçirilən ilk matçında aşağıdakı nəticə qeydə alınıb.

"Qəbələ" - "Zirə" 2:1

"Qarabağ" - 74, "Sabah" - 65, "Neftçi" - 57, "Qəbələ" - 39, "Zirə" - 38, "Turan Tovuz" - 28, "Kəpəz" - 25, "Sumqayıt" - 24, "Şamaxı" - 20, "Səbail" - 18

Səbuhi Həsənov