Ağsu rayonunda 6 nəfərin xəsarət alması ilə nəticələnən avtomobil qəzası baş verib.APA-nın məlumatına görə hadisə bu gün səhər saat 11:00 radələrində Ağsu-Bico yolunun 4-cü kilometrliyində qeydə alınıb.
Ağsu sakini, 1960-cı il təvəllüdlü Kərimov Zakir Balakişi oğlunun idarə etdiyi “QAZ-3110” markalı avtomobil qarşı tərəfdən gələn Vasif Heybətova məxsus “VAZ-2107” markalı minik maşını ilə toqquşub. Hadisə zamanı hər iki avtomobilin sürücüsü, eləcə də maşınlardakı sərnişinlər - 1998-ci il təvəllüdlü Heybətov Elgün Vasif oğlu, 1983-cü il təvəllüdlü Kərimov Hətəmxan Xanlıq oğlu, 1929-cu il təvəllüdlü Kərimova Almaz Həsən qızı və 1963-cü il təvəllüdlü Kərimova Gülnarə Məhəmməd qızı müxtəlif dərəcəli bədən xəsarətləri ilə Ağsu Mərkəzi Rayon Xəstəxanasına yerləşdirilib.
Faktla bağlı Ağsu rayon Polis Şöbəsində araşdırma aparılır.
Qaynar.info
