Hərəkətdə olan avtomobil anidən tüstüləyərək alışmağa başlayıb. Yanğının səbəbi isə son ana qədər məlum olmur.
Xezerxeber.az-ın məlumatına görə, bu kimi hallara son vaxtlar Bakıda tez-tez rast gəlinir.
Avtomobilin elektron sistemləri üzrə mütəxəssis Xaliq Əliməmmədov deyir ki, "avtomobil yandı” deyiləndə düşünülən ilk məsələ əlavə qurğulardır. Lakin bəzi avtomobillər ya ehtiyatsızlıqdan, ya zavod xətasından alışır.
Onun sözlərinə görə, son vaxtlar bazarda elektrik müəhərrikli avtomobillərin sayı artmaqdadır. Bəzi hallarda bu maşınlar ölkəyə gətirilərkən düzgün daşınmır. Bu da sonradan ciddi problemlərin yaranmasına gətirib çıxarır.
Mütəxəssis əlavə edib ki, sürücülər avtomobil almamışdan əvvəl həmin modelləri hərtərəfli araşdırmalı və sonra qərar verməlidir.
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər