Azərbaycan millisi Avstriya təlim-məşq toplanışı çərçivəsində ilk hazırlıq oyununu keçirib.
Qaynarinfo.az xəbər verir ki, az öncə başa çatan oyunda yığmamız Avropanın ən zəif komandalarından olan Andorranı məğlub edə bilməyib - 0:0.
Maraqlıdır ki, oyunu idarə edən avstriyalı hakim Harald Lexner ötən il digər "cırtdan milli" olan Malta ilə görüşümüzdə referi olmuşdu. Məhz həmin görüşdə yığmamızdan qələbə gözlənildiyi halda, heç-heçə (2:2) qeydə alınmışdı.
Qeyd edək ki, yığmamız mayın 29-da Makedoniya millisi ilə görüşəcək. Bu matç Bakı vaxtı ilə saat 19:00-da başlayacaq.
Qaynarinfo.az
