Xəbər lenti

Azərbaycan çempionatlarında əsrin rekordu qeydə alındı
İdman 18:07 16.09.2023

Azərbaycan çempionatlarında əsrin rekordu qeydə alındı

Birinci Liqada 1-ci tura yekun vurulub. 

Qaynarinfo xəbər verir ki, sonuncu matçda daha iki klub 2023/2024 mövsümündə mübarizəyə başlayıb. 

Bununla da bu çempionatda müxtəlif liqalarda iştirak edən klubların ümumi sayı 34-ə çatıb. Premyer Liqa və Birinci Liqanın hərəsində 10, 2-ci liqada 14 komanda mübarizəyə başlayıb.

Bir mövsümdə 34 klubun Azərbaycan çempionatında iştirak etməsi son 27 ilin mütləq rekordudur. 1996-cı ildən sonra belə rəqəm qeydə alınmamışdı. Sonuncu dəfə daha çox klubun olduğu 1995/1996 mövsümündə 38 klub təmsil olunub.

Düzdür, 2006/07 mövsümündə 35, 2007/08 mövsümündə 34 iştirakçı mübarizəyə qoşulub. Lakin həmin çempionatların hər ikisində 27 klub start xəttinə çıxıb ki, digərləri ikinci komandalar olub.

Əgər "ikincilər”in də yer aldığı əvəzedicilər liqasını da nəzərə alışaq, bu il çempionata ümumilikdə 44 komanda çıxıb. 1993/94 mövsümündən sonra belə böyük rəqəmə təsadüf olunmayıb. 29 il əvvəl iki liqada əsas və əvəzedicilərlə birlikdə 46 iştirakçı mübarizə aparıb.

Bir sözlə, klub sayında son 27, iştirakçı sayında son 29 ilin rekordu qeydə alınıb. Hər iki göstərici 21-ci əsrin ən yüksək rəqəmidir.

Sorğu

Azərbaycanda "Tik-Tok" şəbəkəsi bağlanmalıdırmı?
--> -->