Bu gün Serbiyanın Belqrad şəhərində futzal üzrə DÇ-2016-nın play-off mərhələsinin püşkü atılıb.
Qaynar.info xəbər verir ki, Azərbaycan millisi final mərhələsinə vəsiqə qazanmaq uğrunda oyunlarda Hollandiya yığması ilə qarşılaşacaq. Yığmamız ilk oyununu martın 22-də səfərdə, cavab oyununu isə aprelin 12-də evdə keçiriləcək.
Qeyd edək ki, dünya çempionatının final mərhələsi bu il sentyabrın 14-dən oktyabrın 2-dək Kolumbiyada təşkil ediləcək və qalib adı uğrunda 24 komanda yarışacaq.
Pley-off cütlükləri
Sloveniya – İspaniya
Slovakiya – Ukrayna
Polşa – Qazaxıstan
Serbiya - Portuqaliya
Belarus – Rusiya
Hollandiya – AZƏRBAYCAN
Macarıstan – İtaliya
Yeri gəlmişkən, futzal üzrə Azərbaycan millisinin ispan baş məşqçisi Tino Peres püşkün nəticəsi ilə bağlı affa.az saytına açıqlama verib: “Hollandiya yığmasının heyətində Mərakeş əsilli futzalçılar çoxluq təşkil edir. Komandanın oyun dəst-xətti haqda geniş məlumata sahib deyilik, amma birinci oyuna qədər lazımi informasiyanı əldə edəcəyik. Yalnız son oyunlardakı nəticələr haqda məlumatlıyıq. Şanslara gəldikdə, 50-nin 50-yə - bərabər dəyərləndirirəm. Birinci oyundan sonra yekun fikir bildirmək olar. İlk oyunu səfərdə keçirəcəyik ki, bunu da komandamız üçün əlavə üstünlük hesab edə bilərik”.
Qaynar.info
