Millimizin futbolçusu Dmitri Nəzərov Almaniyanın "Ertsqebirqe" klubunda növbəti yoxlama oyununu keçirib.
Qaynarinfo.az xəbər verir ki, rəqib "Rayxenbax 96" klubu olub. Görüş 2-ci Bundesliqa təmsilçisinin 31:0 hesablı qələbəsi ilə nəticələnib.
İlk hissəsi 12:0 hesabı ilə başa çatan görüşdə yığmamızın futbolçusu hamıdan çox - 7 qol vurub. O, fasilədən sonra meydana çıxıb. Bu nəticə isə "Ertsqebirqe"nin klub tarixində ən böyük hesablı darmadağını kimi tarixə düşüb.
Qeyd edək ki, "Ertsqebirqe" bundan öncəki yoxlama matçlarında 21:0 (Dmitri Nəzərov 3 qol vurub), 15:0, 9:0 (Nəzərov 2 qol vurub) hesablı qələbələr də qazanıb.
Qaynarinfo.az
