Bu gün Azərbaycan Premyer Liqasında VII turun daha bir oyunu keçiriləcək.
Qaynarinfo xəbər verir ki, Qəbələnin eyniadlı təmsilçisi doğma azarkeşlər önündə "Sumqayıt"ı qəbul edəcək. Saat 19.00-da başlayacaq qarşılaşmanı Elçin Məsiyev idarə edəcək.
İki komanda indiyədək ölkə çempionatında 39 dəfə qarşılaşıb. Bunların 22-də meydan sahibləri, 5-də qonaqlar qələbə qazanıblar. 12 görüş heç-heçə ilə yekunlaşıb. Topların nisbəti də əyalət təmsilçisinin xeyrinədir - 63:29. "Sumqayıt” son 4 oyunda qalib gəlməyib. "Qəbələ” son 5 ev matçından xalsız və qolsuz ayrılmayıb.
17 sentyabr (şənbə)
19:00. "Qəbələ” – "Sumqayıt”
Hakimlər: Elçin Məsiyev, Elşad Abdullayev, Rahil Ramazanov, Səbuhi Bayramov
Hakim-inspektor: Ömər Paşayev
Qəbələ şəhər stadionu.
Turun əvvəlki oyunlarında aşağıdakı nəticələr qeydə alınıb.
"Sabah" - "Turan Tovuz" 3:1,
"Səbail" - "Neftçi" 0:2
7-ci tura sentyabrın 18-də keçiriləcək "Kəpəz" - "Şamaxı" və "Zirə" - "Qarabağ" matçları ilə yekun vurulacaq.
"Neftçi" - 18, "Sabah" - 16, "Qarabağ" - 15, "Zirə" - 10, "Turan Tovuz" - 10, "Qəbələ" - 9, "Səbail" - 5, "Sumqayıt" - 3, "Şamaxı" - 2, "Kəpəz" - 0
Səbuhi Həsənov
