Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Azərbaycan Premyer Liqasında mövsümə bu gün yekun vurulacaq
Bu gün Azərbaycan Premyer Liqasında 2021/2022 mövsümünə yekun vurulacaq.
Qaynarinfo xəbər verir ki, Avrokuboklara vəsiqəni ötən tur təmin edən "Zirə" doğma meydanda "Şamaxı"nı qəbul edəcək. Komandalar indiyədək ölkə çempionatında 26 dəfə rəqib olublar. Bunların 10-da meydan sahibləri, 6-da qonaqlar qalib gəlib. Topların nisbəti də Rəşad Sadıqovun baş məşqçi olduğu komandanın xeyrinədir - 33:27. "Zirə" son 7 oyunda uduzmayıb. "Şamaxı" isə son 4 matçda qol vurmayıb.
Bu oyunla eyni saatda start götürəcək digər qarşılaşmada "Qəbələ" "Sabah"ı qəbul edəcək. Növbəti mövsümdə Azərbaycanı UEFA Konfrans Liqasında təmsil edəcək əyalət klubu çempionatı 3-cü yerdə bitirə bilər. "Qırmızı-qaralar" bunun üçün rəqibinə qalib gəlməli və "Zirə"nin xal itirməsini gözləməlidir. Bu, iki kollektiv Premyer Liqada 14 qarşılaşmada üz-üzə gəlib. Bunlardan 5-i "Qəbələ"nin, 7-si "Sabah"ın xeyrinə başa çatıb. "Qırmızı-qaralar" rəqibin vurduğu 20 qola 14 topla cavab verib. "Sabah" son iki görüşdə üç qol vuraraq qalib gəlib. Qəbələdəki son 4 matçda hər iki komanda qol vurub.
Turun digər matçı Sumqayıtda eyniadlı komanda ilə "Səbail" arasında baş tutacaq. Komandalar bunadək ölkə çempionatında 17 dəfə üz-üzə gəlib. Bunların 8-də meydan sahibləri, 6-da qonaqlar qələbəni bayram edib. Topların fərqində də "Sumqayıt"ın üstünlüyü var - 18:14. Son 4 oyunda 2 və ya daha az qol qeydə alınıb. "Səbail" son 5 matçda yalnız bir dəfə qalib gəlib.
Mövsüm "Qarabağ" və "Neftçi" arasında keçiriləcək Azərbaycan derbisi ilə başa çatacaq. Əzəli rəqiblər indiyədək Premyer Liqada 86 dəfə üz-üzə gəlib. Qələbə sayına görə Ağdam klubu rəqibini xeyli qabaqlayır - 33:23. Bu oyunlarda bölgə klubu 100, paytaxt təmsilçisi 78 qol vurub. Son 7 matçda heç-heçə qeydə alınmayıb. "Qarabağ” son 3 oyunda qalib gəlib.
Azərbaycan Premyer Liqası
28-ci tur tur
21 may (şənbə)
17:00. "Zirə” – "Şamaxı”
Hakimlər: Rauf Allahverdiyev, Pərvin Talıbov, Cavanşir Yusifov, Vüqar Həsənli
Hakim-inspektor: Babək Quliyev
AFFA nümayəndəsi: Əsgər Əmirəliyev
Zirə İdman Kompleksinin stadionu, (canlı/CBC Sport)
17:00. "Qəbələ” – "Sabah”
Hakimlər: Əliyar Ağayev, Zeynal Zeynalov, Akif Əmirəli, Rövşən Rəcəbov
Hakim-inspektor: Orxan Məmmədov
AFFA nümayəndəsi: Bəhram Qurbanov
Qəbələ şəhər stadionu, (pfl.az/canlı)
19:00. "Sumqayıt” – "Səbail”
Hakimlər: Rəvan Həmzəzadə, Namiq Hüseynov, Rahil Ramazanov, Tural Qurbanov
Hakim-inspektor: Ramil Diniyev
AFFA nümayəndəsi: Rüfət Əmirov
"Kapital Bank Arena".
19:30. "Qarabağ” – "Neftçi”
Hakimlər: Fərid Hacıyev, Kamran Bayramov, Müslüm Əliyev, Kamranbəy Rəhimov
Hakim-inspektor: Vüsal Əliyev
AFFA nümayəndəsi: Elgiz Abbasov
"Azersun Arena”, (canlı/CBC Sport)
"Qarabağ" - "Neftçi" matçından sonra mükafatlandırılma mərasimi keçiriləcək.
"Qarabağ" - 66, "Neftçi" - 50, "Zirə" - 46, "Qəbələ" - 44, "Sabah" - 40, "Şamaxı" - 21, "Sumqayıt" - 19, "Səbail" - 15
Səbuhi Həsənov
Oxşar xəbərlər
"İmişli" daha 6 futbolçusu ilə vidalaşdı
İdman
29.06.2025
"Kəpəz" 3 futbolçusunu göndərdi
İdman
30.06.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər