“Neftçi”nin veteran futbolçusu Aleksandr Syomin 73 yaşında Moskvada vəfat edib.
Qaynarinfo.Az xəbər verir ki, 1943-cü il avqustun 9-da Bakıda anadan olmuş Syomin 1963, 1967-1972-ci illərdə “Neftçi”nin heyətində 94 oyunda meydana çıxıb. Syomin bundan başqa, qısa müddət Qazaxıstanın "Kayrat" və Ermənistanın "Ararat" (İrəvan) klublarında çıxış edib.
Müdafiəçi olan Aleksandr Syomin SSRİ yığmasında da 1 oyun keçirib. Həmin matç 1968-ci ilin iyunun 16-da Avstriya millisinə qarşı olub. Maraqlıdır ki, Aleksandr Syomin həmin matça SSRİ millisini kapitan kimi çıxarıb.
Qaynarinfo.Az
