Azərbaycanda Çar ordusunun polkovnikinin məzarı təmir ediləcək

Bu barədə İqtisadiyyat.az Kəngərli Rayon İcra Hakimiyyətindən məlumat əldə edib.

Məlumata görə, təmirlə əlaqədar olaraq artıq hazırlıqlara başlanılıb.

Qeyd edək ki, Əbülfət ağa Nəcəfqulu ağa oğlu 1858-ci ilin oktyabr ayında Şərur-Dərələyəz qəzasının Şahtaxtı kəndində anadan olub. Onun nüfuzlu nəsli Azərbaycan tarixinə Məhəmməd ağa Şahtaxtinski, Behbud ağa Şahtaxtinski, İsa Sultan Şahtaxtinski, Həmid bəy Şahtaxtinski kimi görkəmli şəxsiyyətlər bəxş edib. Polkovnik Əbülfət ağa Şahtaxtinski 1913-cü il martın 13-də Kutaisi şəhərində vəfat edib. Vəsiyyətinə görə çar hökuməti 1913-cü ildə təntənəli surətdə gətirib ehtiramla Şahtaxtı kəndində babalarının yanında dəfn edib. 

Həyat yoldaşı Balabəyim xanım (Məhəmməd ağa Şahtaxtinskinin qızı) məzarın üzərində sərdabə tikdirib. 1920-ci ildən sonra sərdabəni uçurmağa başlayıblar. Sonradan həm sərdabəni, həm də məzarı dağıdıblar və yoldan keçənlərin görməməsi üçün sərdabəni məzarın üstünə uçurublar.