Ən gəlirli və ən risksiz investisiya hazırda dövlət qiymətli kağızlarıdır.
Qaynarinfo.Az fins.az-a istinadla xəbər verir ki, sığortalı əmanətlər manatla 15% gəlir gətirdiyi halda, dövlət qiymətli kağızları ilə 18% gəlir götürmək mümkündür.
Üstəlik, əmanətə vəsaiti yerləşdirdiyimiz zaman biz müvafiq bank seçməli və onun riskini də götürməliyik. Sığorta hadisəsi baş verdikdə yəni, bank müflis olduqda sığorta ödənişini dövlət həyata keçirməlidir. Dövlət istiqrazlarına investisiya isə bir başa dövlətə borc verməkdir.
Yəni, burada yalnız ölkə riski var və biz heç bir bankın riskini öz üzərimizə götürmürük. Əlavə olaraq 3% çox, yəni 18% qazanırıq və vəsaitimizi gəlirləri ilə birlikdə istənilən vaxt istiqrazları sataraq geri götürə bilirik. Bunun üçün etibarlı bir investisiya şirkəti ilə müqavilə bağlamaq kifayətdir. Qaynarinfo.Az
