"Müasir Azərbaycan Psixoloqları” İctimai Birliyi bunun üçün "Məcburi köçkün yeniyetmələrin sosial-psixoloji uyğunlaşmasının qiymətləndirilməsi” layihəsinə start verib.
Layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə həyata keçirilir.
İctimai Birliyin əməkdaşları layihə çərçivəsində məcburi köçkünlərin kompakt yaşadığı Ağdam, Bərdə rayonlarında yerləşən məcburi köçkün məktəblərində olublar. Yeniyetmələrin sosial-psixoloji problemlərini öyrənmək üçün 600 şagird üzərində psixoloji test və sorğu keçirilib. Keçirilən sorğunun və aparılan psixoloji söhbətlərin nəticələri əsasında məcburi köçkün ailələrindən olan yeniyetmələri narahat edən problemlər üzə çıxarılıb və həmin problemlərlə bağlı onların ailələri və müəllimlərlə psixoloji söhbətlər aparılıb.
