Bu gün ilk dəfə Bakıda keçiriləcək 17 yaşadək futbolçulardan ibarət millilər arasında Avropa çempionatının püşkatma mərasimi keçirilib.
Qaynar.info xəbər verir ki, Azərbaycan meydan sahibi olduğu üçün A qrupunda yer alıb. Beləliklə, millimizin bu qrupdakı digər rəqibləri Portuqaliya, Belçika və Şotlandiya olub. Qrup oyunları mayın 5-12-də keçiriləcək.
Qeyd edək ki, Bakı Olimpiya Stadionunda keçirilən püşkatma mərasimində Avropa çempionatının səfiri Röya Ayxan və xüsusi qonaq sabiq italiyalı qapıçı Françesko Toldo iştirak edib.
Qaynar.info
