FİFA Şimali İrlandiya və Uels Futbol Federasiyalarını cəzalandıra bilər.
Qaynarinfo.Az xəbər verir ki, ali futbol qurumundan verilən açıqlamada belə deyilir.
Belə ki, Şimali İrlandiyanın Belfastda Azərbaycan millisinə 4:0 hesabı ilə qalib gəldiyi, Uelsin isə Kardifdə Serbiya ilə 1:1 oynadığı matçda açılan xaşxaş pankartlarına görə FİFA hər iki ölkədə araşdırmalara başlayıb.
Şimali İrlandiya Futbol Assosiasiyası isə rəsmi şəkildə bəyanat yayaraq FİFA-nın bu ittihamından qəti şəkildə müdafiə olunacağını bildirib.
Qeyd edək ki, xüsusən Böyük Britaniya və Şimali İrlandiya Krallığında hər il I Dünya Müharibəsinin başa çatması 11 noyabrda Anma Günü qeyd olunur. Həmin gün ölənlər üçün ucaldılmış abidə önünə lalələr düzüldüyündən, bu gün bəzən Poppi Dey (Lalələr, Xaşxaş Günü) kimi adlandırılır.
Qaynarinfo.Az
