Azərbaycan millisinin sabiq hücumçusu Rüfət Dadaşov Almaniyada növbəti matçına çıxıb.
Qaynarinfo xəbər verir ki, onun formasını geyindiyi "Dinamo” yoxlama görüşündə "Oberlusitz”lə qarşılaşıb.
Çempionat oyununu buraxan IV Bundesliqa təmsilçiləri Berlində üz-üzə gəliblər. Cəmi 50 azarkeşin izlədiyi matç "Dinamo”nun 2:0 hesablı qələbəsi ilə nəticələnib. Berlin klubunun heyətində qollara Filipp Şults və komandanın bombardiri Rüfət Dadaşov imza atıblar. Bu Rüfətin cari mövsümdə 20-ci qolu olub.
Qeyd edək ki, "Dinamo” fevralın 28-də IV Bundesliqanın XIX turundan təxirə salınmış matçda "Nordhauzen”lə səfərdə qarşılaşacaq.
