AZAL klubunun futbolçusu İlqar Ələkbərov karyerasını Türkiyədə davam etdirə bilər. O, Türkiyənin I dəstə komandalarından "Dənizlispor" və "Karşıyaka"dan birində çıxış etməyə çox yaxındır.
Bu barədə futbolçunun özü Qaynarinfo.az-a bildirib.
Onun sözlərinə görə, futbolçu hazırda Türkiyədədir və ora birbaşa müqaviləyə gedib. Lakin maliyyə baxımından problem yaşayan bu klublara keçid alınmasa, yenidən AZAL-a qayıdacaq.
Qeyd edək ki, bu 2 klub azərbaycanlı futbolçulara yad komanda deyil. Belə ki, vaxtı ilə "Dənizlispor"da Arif İsayev, Rail Məlikov və Saşa Yunisoğlu, "Karşıyaka"da isə Mahir Şükürovla Kamran Ağayev çıxış edib.
Qaynarinfo.az
