Portuqaliya Sequndasında XIV turun oyunları çərçivəsində milli komandamızın üzvü Budaq Nəsirovun formasını geyindiyi "Sportinq" B doğma azarkeşləri önündə "Santa Klara"nı qəbul edib.
Qarşılaşma Lissabon təmsilçisinin 3:1 hesablı qələbəsi ilə yekunlaşıb.
Goal.az xəbər verir ki, görüşə start heyətdə başlayan Budaq Nəsirov matçın 58-ci dəqiqəsində məcburi əvəzlənib. Top uğrunda mübarizə zamanı rəqib futbolçu ilə toqquşan Nəsirov huşunu itirib.
Futbolçumuz dərhal xəstəxanaya çatdırılıb. Hazırda Budaqın vəziyyəti yaxşıdır.
Qaynarinfo.Az
