Rumıniya çempionatının I dəstəsinin B Seriyasında II "6-lığ"ın IV turunun oyunları keçirilib.
Qaynarinfo.az xəbər verir ki, millimizin sabiq futbolçusu Elhad Nəzirinin çıxış etdiyi "Metalul" klubu Kluj şəhərində Rumıniyanın məşhur klublarından olan "Universitatya" ilə qarşılaşıb və 0:2 hesabı ilə uduzub.
Bu görüşdə Elhad Nəziri start heyətində meydana çıxıb və 58-ci dəqiqədə əvəzlənib. Bunun səbəbi onun aktivində sarı vərəqənin olması olub (2 tur əvvəl "Rımniku" ilə oyunda birbaşa qırmızı vərəqə almışdı - red.).
Qeyd edək ki, "Metalul" -10 xalla sonuncu pillədədir. Ancaq çempionatı artıq 2 komanda tərk etdiyindən, "Metalul"u II dəstəyə düşmək təhlükəsi gözləmir. Bir sözlə, II "6-lığ"ın oyunları formal xarakter daşıyır.
Qaynarinfo.az
