""Azəriqaz" İB-nin baş direktoru hər həftənin çərşənbə günü saat 15:00-da "Facebook" üzərindən canlı yayım vasitəsi ilə abonentlərin qaz təchizatına aid sual və təkliflərini, problemlərini dinləyərək həlli istiqamətində müvafiq tapşırıqlar verir".
Bu barədə Qaynarinfo-ya qurumdan məlumat verilib.
Bildirilib ki, artıq növbəti çərşənbə günü bu sosial əlaqəyə "İnstagram" da (ruslanaliyev.official) əlavə olunacaq.
"Məqsəd abonentlərin istənilən platformada öz problemlərini səsləndirə bilmək imkanlarını genişləndirməkdir. Dövlət qurumları arasında ilk olacaq bu geniş tərkibli əlaqə "İnstagram" istifadəçilərinə də əlavə imkanlar yaradacaq. "İnstagram" istifadəçiləri "Facebook" üzərindən canlı əlaqənin effektivliyinin əyani şahidi olacaqlar. Birliyin prioriteti abonent məmnunluğudur!", - məlumatda qeyd olunub.
