Müdafiə Nazirliyinin Beyləqandakı hərbi birləşməsinin keçmiş komandiri, general-mayor Mahmud Həmzəyevin həbsi xəbəri yalan çıxdı.
Binəqədi rayon Məhkəməsindən Milli.Az-a bildirildi ki, M.Həmzəyevlə bağlı heç bir işə baxılmayıb.
Mətbuatda yayılmışdı ki, M.Həmzəyevlə birgə xidmət etmiş polkovnik Elmar Salayev həbs olunub.
Binəqədi rayon Məhkəməsindən Milli.Az-a bildiridli ki, hakimi Abbaz Rzayevin icraatında Elmar Salayevin barəsində qərar çıxarılıb. Cinayət Məcəlləsinin dələduzluq maddəsi ilə ittiham olunan E.Salayev barəsində məhkəmə qətimkan tədbirini dəyişib. Onun barəsində ilk olaraq başqa yerə getməmə ilə bağlı qətimkan tədbiri seçilmişdi. Lakin məhkəməyə gəlmədiyindən, yayındığından rayon prokurorunun sanksiyası ilə həbslə əvəz olunub.
Qaynar.info
