Bakı-Qazax yolunun 130-cu kilometrliyində ağır qəza baş verib.
Qaynar.info Fövqəladə Hallar Nazirliyinin saytına istinadən xəbər verir ki, Bakı-Qazax yolunun 130-cu kilometrliyində, Şamaxı rayonu ərazisində vətəndaşa məxsus “LİFAN” markalı minik avtomobili idarəetməni itirərək yolun kənarındakı ağaca çırpılıb. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Yanğınsöndürən-xilasedicilər avtomobildən şəxsiyyəti məlum olmayan 2 nəfərin cəsədini çıxarmış və aidiyyəti üzrə təhvil veriblər.
Qaynar.info
