Yeni tunel qovşağı bu ilin yay aylarında istifadəyə veriləcəkBakıda yeni tunel qovşağı bu ilin yay aylarında istifadəyə veriləcək.
“Azəryolservis” ASC-nin mətbuat xidmətinin rəhbəri Pünhan Mürsəliyevin ANS PRESS-ə verdiyi məlumata görə, Ziya Bünyadov prospektindən Böyük Şor istiqamətində salınan tunel tipli yol ötrücüsündə tikinti işləri yekunlaşmaq üzrədir.
Tunelin uzunluğu 610 metr, eni 26 metrdi. Tunel 6 zolaqdan ibarətdir. 3 zolaq gediş, 3 zolaq isə gəliş üçün nəzərdə tutulub. Yolun ümumi uzunluğu 1100 metrdi.
“Hazırda tunelin qapalı hissəsində tavanın alkopanla örtülməsi və səkilərin salınması işləri gedir. Gələn ay yolun asfalt-beton örtüyü salınacaq. Yolun iyun-iyul aylarında istifadəyə veriləcəyi planlaşdırılır”, - deyə P.Mürsəliyev bildirib.
Qaynar.info
