Paytaxtın Binəqədi şoşesi istiqamətində avtobusla betonqarışdıran maşının toqquşması nəticəsində dörd nəfər müxtəlif dərəcəli bədən xəsarətləri alıb.
Bu barədə Qaynarinfo-ya Bakı Şəhər Təcili və Təxirəsalınmaz Tibbi Yardım Stansiyasından məlumat verilib.
Bildirilib ki, Binəqədi rayonu ərazisində baş vermiş qəzada üç nəfər müxtəlif xəsarətlərlə 3 saylı şəhər xəstəxanasına yerləşdirilib. Bir nəfər isə tibbi yardımdan imtina edib.
09:18
Binəqədi rayonu ərazisində qəza baş verib.
Hadisə şahidlərinin "Yeni Sabah”a verdiyi xəbərə görə, səhər saatlarında Binəqədi şossesində baş verən qəza zamanı sərnişin avtobusu ilə betonqarışdıran maşın toqquşub.
Hər iki nəqliyyat vasitəsinə zərər dəyib. Hadisə yerinə 6 təcili tibbi yardım maşını cəlb olunub.
