Səbail Rayon Polis İdarəsindən APA-ya verilən məlumata görə, hadisə ötən gecə qeydə alınıb. Sərxoş vəziyyətdə olan bir qrup şəxslə əcnəbi vətəndaşlar arasında düşən davada, Böyük Britaniya vətəndaşı, 1973-cü il təvəllüdlü Lemon Hey, Şotlandiya vətəndaşı, 1982-ci il təvəllüdlü Stüard Sliton, Bakı şəhər sakinləri, 1986-cı il təvəllüdlü Kənan Əlləzov və 1985-ci il təvəllüdlü Natiq Allahyarov müxtəlif dərəcəli bədən xəsarətləri alıblar.
Faktla bağlı araşdırmalar aparılır.
Polisdən həmçinin bildirilib ki, davada döyülən əcnəbilər Azərbaycanda neft sektorunda fəaliyyət göstərən şirkətin işçiləri olub.
