Bakı şəhərinin Xətai rayonu ərazisində dəhşətli qətl hadisəsi törədilib. Rayon Prokurorluğundan ANS PRESS-ə verilən məlumata görə, Fəzail Bayramov küçəsində yerləşən restoranların birində aşbazlar arasında yaranan mübahisə sonradan qanlı davaya keçib.
Münaqişə nəticəsində orada aşpaz işləyən 1991-ci il təvəllüdlü Adəm Akif oğlu Əsədov həmkarı Mövlan Rəis oğlu Mövlanovu oxlov alətilə döyməyə başlayıb.
Adəm Əsədovun əsəbləri sakitləşmədiyinə görə, həmkarını döyə-döyə öldürüb. Mövlan Mövlanovun başına taxta alətlə çoxlu zərbələr endirib. O, aldığı ağır-kəllə beyin travmasından dünyasını dəyişib. A.Əsədov saxlanılıb. Fakt üzrə cinayət işi açılıb.
Xətai Rayon Prokurorluğundan APA- ya verilən məlumata görə, hadisə “İmperator -İbo” restoranında qeydə alınıb.
Faktla bağlı araşdırma aparılır.
Qaynar.info
