Heydər Əliyev adına Bakı Dərin Özüllər Zavodu yeni rəhbər təyinatı olub.
"Qaynar" xəbər verir ki, fins.az-ın əldə etdiyi məlumata görə, Roman Fərhad oğlu Nağıyev aprel ayının 13-dən zavodun direktoru təyin edilib və artıq vəzifəsinin icrasına başlayıb.
SOCAR-ın mətbuat xidmətinin rəhbəri Nizaməddin Quliyev fins.az-a açıqlamasında yeni rəhbər təyinatını təsdiqləyib.
Qeyd edək ki, R.Nağıyev buna qədər Azeriqaz İstehsalat Birliyi Təmir Tikinti İdarəsinin rəisi olub.
Xatırladaq ki, zavodun keçmiş direktoru Ayaz Qarayev 2015-ci ilin dekabr ayında vəfat edib.
