Argentina yığmasının baş məşqçisi Lionel Skaloni dünya çempionatının ilk turunda Əlcəzairə qarşı keçirilən oyunda Lionel Messinin çıxışı barədə danışıb.
Qaynarinfo xəbər verir ki, bu barədə FİFA-nın saytı məlumat yayıb.
"Mənim sadəcə Messini təsvir etməyə sözüm yoxdur. Artıq 20 ildir ki, o bizə belə şeyləri görməyə öyrəşdirib və onun oyunu hər kəsi ilhamlandırır. Biz oyundan oyuna irəliləyəcəyik. Komanda razıdır; bir çox futbolçuya oyun vaxtı verdik. Ümid edirəm ki, növbəti matçı uda biləcəyik ki, qrup mərhələsinin üçüncü oyununda hamı şans qazana bilsin", deyə Skaloni bildirib.
Qeyd edək ki, Kanzas-Sitidəki "Arrowhead” stadionunda keçirilən görüş Argentina millisinin 3:0 hesablı qələbəsi ilə başa çatıb. Messi het-trik edib və dünya çempionatları tarixinin ən yaxşı bombardiri olub. O, almaniyalı Miroslav Klozenin rekordunu təkrarlayıb.
Bu qələbədən sonra Argentina üç xal toplayaraq J qrupunda birinci pillədə qərarlaşıb.
Aydın
Şərhlər