"Bavariya" UEFA Suberkubokunda "Çelsi" ilə matça daha bir ciddi itki ilə çıxa bilər.
Qol.Az-ın Almaniya mətbuatına istinadən verdiyi məlumata görə, Tiaqo Alkantaranın ardından Bastian Şvaynştayqerin də bu oyunda forma geyinməmək ehtimalı var.
29 yaşlı yarımmüdafiəçi bundesliqada "Frayburq"la matçda ayağından zədələnib. Qarşılaşmanın zədəli olaraq davam etdirən futbolçunun meydana çıxıb-çıxmayacağı son tibbi müayinədən sonra bilinəcək.
Qeyd edək ki, "Bavariya" - "Çelsi" oyunu avqustun 30-u baş tutacaq. Qaynar.info
