Ötən gün Ekvador millisinin hücumçusu Kristian Benites dünyasını dəyişib. Buna 27 yaşlı futbolçunun appendiksində ağrıların kəskinləşməsi səbəb olub.Futbolçunun qardası K.Benitesin ölümü xəbərini təsdiqləyib.
Qeyd edək ki, Benites DÇ-2014-ün seçmə mərhələsində 9 matçda 4 qola imza atıb və bir məhsuldar ötürmə edib. Ümumilikdə isə o, 2005-ci ildən çıxış etdiyi Ekvador millisində 58 oyun keçirib və 24 qol vurub.
Karyerası ərzində Benites Ekvadorun “El Nasional”, Meksikanın “Santos Luqano”, İngiltərənin “Birmingem” klublarında oynayıb. Onun son komandası Meksikanın “Amerika” klubu olub.
Qaynar.info
